古诗《咏鹅》2016年秋季人教版小学一年级语文上册 改编 麦小姐 朗读 岑然周
古诗《咏鹅》2016年秋季人教版小学一年级语文上册
改编 麦小姐 朗读 岑然周
咏鹅
【唐】骆宾王
鹅,鹅,鹅,
曲项向天歌。
白毛浮绿水,
红掌拨清波。
译文
小鹅啊小鹅,头颈曲曲,朝天唱歌。雪雪白毛映了碧碧绿水,血血红只小脚,拿水面俹出一道道纹路。
注释
咏:用诗、词来叙述要么描写某一事物。咏鹅:用诗词来赞美鹅。
项:头颈后头一块。搿搭代指头颈。
掌:诗里指白乌居只脚掌。
拨:划、俹
赏析
《咏鹅》是首咏物诗,相传是骆宾王辣伊七岁辰光写个。搿首诗,千古流传,虽然讲呒啥深刻个思想内涵脱哲理,但全诗语言轻快,准确个捉牢了白乌居只特征,描写得来得生动自然。
小诗人一上来就用三个“鹅”字形象个道出了鹅群从远到近个欢快场面,外加此地个“鹅,鹅,鹅”,勿单单是模拟了白乌居个叫声,还体现出了作者辣思维浪个灵动感脱跳跃性,结合韵脚,忒整诗连成一气。挨下来,通过一连串个动作描写,让大家一眼眼看清爽伊“头颈弯曲”个外形脱“引吭高歌”个神态。后头两句诗,则是有声有色个描绘了鹅群玩水个场面。全诗采用了白描忒拟人个写作手法,从作者自家个感受、理解出发,用寥寥几笔,表现出了小诗人细致入微个观察力以及非凡个文学天赋。
所以,勿关是从文学性角度还是艺术性角度来看,搿首诗侪是头挑一级了。
作者简介:
骆宾王(约公元619年—687年),字观光,汉族,婺州义乌人(今浙江义乌)。唐初诗人,忒王勃、杨炯、卢照邻合称为“初唐四杰”。又忒富嘉谟并称“富骆”。
古诗《江南》2016年秋季人教版小学一年级语文上册 改编 麦小姐 朗读 岑然周
古诗《悯农 其二》2016年秋季人教版小学一年级语文上册 改编 麦小姐 朗读 岑然周
古诗《画》2016年秋季人教版小学一年级语文上册 改编 麦小姐 朗读 岑然周
古诗《风》2016年秋季人教版小学一年级语文上册 改编 麦小姐 朗读 岑然周
古诗《古朗月行(节选)》2016年秋季人教版小学一年级语文上册 改编 麦小姐 朗读 岑然周
难忘过年“爆炒米花” 作者 朱少伟 改编、朗读岑然周 欣赏岑然周先生朗读的更多文章,可直接点击文章后面的链接!
永生永世记得(读者来稿选登) 作者、朗读 岑然周 上海说唱:徐家汇变化大——任珍及小朋友
10火的记忆-第一部-创世纪-10-星辰 改编、朗读:岑然周
杨王村个桂花树结果了作者张林龙朗读岑然周摄影杨张悦本文来源2014年12月《新杨王》报